ព្រះនាងទុគ៏ា ទេវីអ្នកច្បាំង

posted by: monita morm

                 នៅក្នុងលទ្ធិហិណ្ឌូ អាទិទេពច្រើនមានសក្តិ ឬមហេសី។ ព្រះនាងទុគ៏ាជារូបមួយក្នុងចំនោមរូបទាំង៩ នៃសក្តិរបស់ព្រះសិវ:​។ ព្រះនាងជាតំណាងឬទ្ធិអំំណាចខ្លាំងពូកែ។
                មានរឿងនិទានថា ក្នុងកាលដ៏យូរលង់ណាស់មកហើយ ទេវៈទាងឡាយពុំអានវាយឈ្នះ មហិង្សាសុរា ដែលជាយក្សកំណាចឃោរឃៅមានខ្លួនជាមនុស្ស ក្បាលជាក្របីនោះឡើយ។ យក្សនោះនាំពួកអសុរទៅអុកឡុកបង្កចលាចល គំរាមគំហែងឋានទេវលោក។ ព្រះសិវ:​​ ព្រះវិស្ណុ និងអាទិទេពឯទៀតក៏ព្រមព្រៀងគ្នាបញ្ចេញឬទ្ធិអំំណាចរបស់ខ្លួនមកផ្តុំបញ្ចូលគ្នា ហើយបង្កើតបានជាព្រះនាងទុគ៏ា​ ។ ព្រះនាងមានឬទ្ធិអំំណាចខ្លាំងអស្ចារ្យណាស់ ហើយបានទៅសម្លាប់យក្សមហិង្សាសុរានោះចោលទៅ។ ព្រះនាងមានទឹកមុខរឹងមាំ និងមានដៃ៤ ប៉ុន្តែគួរឲស្ដាយគេឃើញមានតែដៃ១ ប៉ុណ្ណោះ។ នៅក្នុងដៃដែលនៅសល់នោះនាងកាន់ដាវ ដែលផ្លែដាវបានបាក់បាត់ទៅហើយ។

ប្រភព​ : ទួលកំណប់ កំពង់ត្របែក ព្រៃវែង
សម័យ : ស.វ. ទី៧-ទី៨
កំពស់ ​: ១០៨សម
ធ្វើពី   : ថ្មភក់